Desde Asuntos Sociais do Concello de As Nogais infórmase de que está aberto o prazo de solicitudes para o programa de turismo social. Este consiste nuns días de vacacións e descanso en zonas turísticas ou balnearios ubicados en Galicia, noutras comunidades autonómas de España ou noutro país, co fin de mellora-la calidade de vida, o envellecemento activo, a autonomía e a saúde dos nosos maiores.
Para este programa hai tres modalidades:
- Turismo termal todo incluído: aloxamento e manutención en réxime de pensión completa, tratamentos termais, transporte, actividades socioculturais e de tempo libre a realizar no destino, seguro e asistencia sanitaria.
- Turismo termal só tratamento: esta modalidade inclúe unicamente os tratamentos termais. O desprazamento e demais gastos corren a cargo do usuario.
- Turismo de intercambio: viaxe de 8 días en réxime de pensión completa á vila de Esposende en Portugal.
O programa está dirixido ós pensionistas e ós cónxuxes do pensionista para o que non se require criterio algún de idade. O prazo de presentación de solicitudes remata o 11 de abril do 2008, poderán atopar máis información nos Servizos Sociais do concello de As Nogais en horario de 9 a 15 horas e de luns a venres.
jueves, 27 de marzo de 2008
Suscribirse a:
Enviar comentarios (Atom)
No hay comentarios:
Publicar un comentario