Campamentos e actividades de verán 2008

A Xunta de Galicia ven de abrir o prazo para a solicitude de actividades e campamentos de verán dirixidos ós mozos de entre 9 e 35 anos.

Esta Campaña de Verán ofrece a posibilidade de que a mocidade poida participar, individualmente ou en grupo en distintas actividades:
- Actividades para rapaces de 9 a 17 anos: rutas por Galiza, actividades cos idiomas do inglés e do galego, actividades de deporte e recreación, actividades no mar, en bicicleta e a cabalo pola natureza, teatro, aventura, piragüismo e remo, obradoiros de iniciación á investigación, teatro ou campamentos temáticos.
- Actividades para mozos entre 18 e 35 anos: iniciación á fotografía, travesías en dorna, obradoiros de artes plásticas, multiaventura, cruceiros polas rías galegas e cursos de navegación e mergullo deportivos.

O prazo de solicitude rematará o vindeiro 11 de abril do 2008. Para máis información poden achegarse ata as oficinas de Servizos Sociais do Concello de As Nogais en horario de 9 a 15 horas e de luns a venres. Tamén poden informarse no teléfono xove 902 152 535 ou nós seguintes enlaces: Folleto, Convocatoria DOG.